ومضات للديواني ضرغام العراقي

ومضات





1



شاعر مو مهم تعرفني كل الناس



شيفيد الشعر واخلاق ما عندي !!!




2



أخر زمان الوتر يتبره من زرياب





واخر زمان المطر ما يعرف السياب




3




مثل طفله فرحتي اتخاف من الليل



يخزرهه الحزن ويكَلهه وچ نامي !!





4



مادام كَلبي يحب ماعنده شوكَي حدود




ومادام ينبض شعر يعني انه موجود






5



انه كَلبي حمامه انباگ منهه العش



تظل طول العمر مكسور خاطرهه






مثل كاتب قصيده وساهرالليل



تِلكَاهه الصبح مو اسمه شاعرهه






6











مو عندي المهم أنشر عالانترنيت


بس عندي المهم أنوصل الفكره




الشاعر من صدگ ترجم ألم هالناس

مو شاعر چذب لودور الشهره





7


المافكر ابهم الوطن



هم الوطن ميريده




والماكتب لجله شعر



أحسن أله يكَص أيده






8










أذا ناوي تحب وتكون ولهان



لا تخفي خجل بيك المشاعر




وأذا قصدك تحبني كون يفلان



حبني انسان لتحبني كشاعر





9










من مرني العطش وشفافك الماي



مااشرب كَلت خايف على اشفافك




واقبل لو متت بس ابقه عطشان



خايف لرتوي واكَلبهه لوصافك




10



راجعت نفسي وشفت وياگ ما غلطان



بس چه احبك صدگ كَلتلك اسف !؟