قصيدة في رثاء الدكتور عدنان الركابي

هذه القصيدة في رثاء الدكتور الراحل عدنان الركابي ( ره )
بعنوان ( لا تهاجر )

علمت روحي تكابر
علمتها اشلون تصبر
علمتها اشلون تجرع
حنضل المر أبغيابك
من تسافر
لا تهاجر
انته أول فكرة ارسمها أبخيالي
ونته أول ما صرت فد يوم آخر
عذبتني
او من عذابك ما اجوز
او هسة اكلك ليش ثابت ما اجوز
من رسمتك
حصلت اجمل وسام
وثبّتت للناس انه اول مغامر
وانه اول انتحاري
لو تفجر
يترس الكاع ابكبرها
اشكد مآثر
وسمع لو خبر عاجل
لا جريح
او لا قتيل
او لا خسائر
و السبب هسه اكلك
جان عندي احزام ناسف
لو تفجر
بس مشاعر
وانه اول انتحاري
ايكون شاعر