هاي دارميات تضحك الحجارة بربي

هاي دارميات تضحك الحجارة بربي
هاكم اسمعوا .. قصدي شوفوا ..

:/:/
/:/:

من كثر ما مشتاك يمكن انجنيت...اكل بصل مثروم حسبالي جكليت
..................

الدهر صاير چاي والدنيا قوري ... ليش اليحب يا هواي ينضرب بوري

...............


لمن اشوف هواي يخدر شعوري ... خدرت بالفانوس حسبالي قوري

...............


شوفو زماني شلون من يأذي يأذي ..... خلاني شجرة موز بين الشواذي

................


وين البخت يفلان وتكلي مبخوت ... صرت اشتغل دفان محد رضى يموت

.................


زين البخت وياك واصل لهل حد ... احفر كبر للمات كالو عدل رد

................


كَالوا بعد سنتين ونوزع بيوت ... تاليها حتى المات ما عنده تابوت

..............
فيتر صرت يا ناس والعيشه كشره... وين اليضب الروح بسبانه عشرة

.................

دورلي فيتر زين من روحي مليت لا بدي لا رنكات بس شاصي ضليت

.................

من كثر ما مشتاك خبلت نفسي... اشرب نفط بالكوب حسبالي ببسي

...................


من كثر ما مشتاك صرت اني مخبول... اتفرج الاخبار حسبالي كعبول

...............


من كثر مامشتاق وحبك بنفسي ... وكفت الامريكان حسبالي تكسي

.................


احول حبيب الروح اثول مطفي لاكاني عين بعين باس الي بصفي

....................

اطبخ وافكر بيك يا حلو العيون بالمركة اخبط جاي حسبالي معجون

....................


ليش الرساله وياي عندك خسارة ماظن خمس سنتات يبنن عمارة

......................


كون انگلب سنتات وابقى برصيدك من تغازل الحلوات اطفر واصيدك

.........................

كون الجمال البيك يندار بيه كلما احن واشتاك اصفن عليه

..........................
بي كي سي عد يمناك بساعة الضيك ...صدكني اخلي اعداك ما تبلع الريك

...............

طلقات اسوي الروح و لفراكك احزن ...و كل ما تمر عالبال ارميلي مخزن

...........

عود انة مثل الناس هم عندي بطة...راحت تغط بالماي والغطة غطة

...............
فرفح جهازي عليك ثق هلهل الرام.. والشحن من دكيت يركص هجع كام

..................

اريد احفر التبليط و ازرع بتيتة ليش اليحب حلوين ينهجم بيته

..............

اليكولك اني انساك كله انت اعمه و انزله دك كلات كسرله خشمه

..............يكفي حبيب الروح يكفي بواري...أسست نص بغداد مي ومجاري

..............

غلاكم طاسة لبن تطفي لهيب الگيظ .. و حبكم ثريد و لحم ماهو طماطة و بيض

...........

تدري اشوكت هلروح من حبك اتوب ؟؟ من تسمع الشيطان غفروله لذنوب

..............


ما يهز گلبه الشوگ ! شوما يجيني ؟ ... يمكن طلع بذات لو گلبه صيني

....................
هم شفت هم سمعيت هم سولفولك ... لا شفت لاسمعيت لا سولفولي

............