غم راي الوكت قصر جثير اوياي

غم راي الوكت قصر جثير اوياي
الوكت اغبر طلع ما يعرف لناسه

يخلط بالشريج العنبر المزيون
ويبيع ابرخص واتدهور احساسه

غم رايه غلط ما عدَّل المَيلان
وابو النِبراس عالي يشيل نبراسه

واغم رايه بعد واعليه ازيد اللوم
انفاسه ابكَصر ما طالت انفاسه

ومن كثر الغلط بالوكت كَمت انخاه
ما لبَّه الشجيه اوضاع نوماسه

واغم راي القلم همين اضيفه اوياه
لان ما عَرَف دَربه ولِزم قِرطاسه

شِجا هالوكت مِحْرِب ليش كلِّش صار
يحط من الشريف ويهدم ابساسه

ويعَلِّي الرِجس غَمه امداه اردود
لان عَلّه النذل ويعلّلي بارجاسه

بس لا قررت انسى الوكت هينوب
وحت لو منمزكَـ ارجع البسه الثوب
لان يِسترْ العيب ويهْطُرْ ابراسه

واتسرفنله حيل وحيل اعتن بيه
واحط تحت الرجل من الوكت راسه
واحط تحت الرجل من الوكت راسه

********************
الوكت لو مرة عتني ............... دوم اعته
وما اغتر لَنوحه ........................ دوم اعته
ولا ادنكَله راسي .................... دوم اعته
واغــــــــصبه يـــــبوس رجـــــليه واديه

الله جميل تسلم